علّى راسك دا انتى أشرف م اللى داسك
كتبهاmhmz64 ، في 21 ديسمبر 2011 الساعة: 12:38 م
شعر
المحاسب / محمد محمود عبدالفتاح
*************
https://www.youtube.com/watch?feature=player_embedded&v=borLkkxYRDYصُبحيّه وأسماء وحنان
بيلوموا كتير ع الإخوان
و(الرجّاله) السلفيين
الشنبات …. الملتحيين
واللى بيتشدّقوا بالنخوه
وعاملين قال حُرّاس الدّين
فين نعرات الشيخ حسّان ؟؟
فين آهات الشيخ يعقوب ؟؟
فينك يا حوينى م تتكلم
ولا دى مش أختنا ف الدين ؟؟
فين نخوة خالد عبدالله
لمّا يقول دول (نصّابين)
على ثوّار …أبرار …. أطهار
طلعوا يقولوا كلمة (لأ)
لجزمه اترزعت بين ثديين
ترضى *****ك تنداس بالجزمه
وتتجرجر وسط الملايين؟؟
وانتا يا شيخ ياسر برهامى
بتقضى بشرع السياسيين ؟؟
قال إيه : ده فخّ ومعمول
يسحب رِجْل السلفيين
وعشان كدا ما احناش نازلين
يخص عليكم … بذقون عيره
قال إيه عاملين لنا رجّاله
وعاوزه تطبق شرع الله
امّال فين (وا معتصماه)؟؟
لما *****ك حيوان بيدوسها
ويكشف عورتها يا ولداه
تشكى لمين ؟؟
تنده على مين لجل يغيثها
من ظباطنا الهمجيين
من عساكرنا الوحشيين
من جيشنا اللى الشعب ائتمنه
لجل يصون المصريين
صح الباقى اهوا صانكم انتو
وجه ع الغلبانه المسكينه
ومرمط راس أمها ف الطين
الأربعاء ديسمبر 21, 2011 3:52 pm